FAQ

Allgemein

Dä Name „Hitschler“ es der Familliename vum Gründer vum Ungernemme.
Der Ferdinand Hitschler hät en de 1920er dat Kölner Handelsungernemme „Hitschler’s Cachou“ gegründt. En de 1940er steig singe Sonn, der Walter Hitschler, en dat Ungernemme en. Nohm Dud vun singem Vatter gründt der  Walter Hitschler Aanfang de 1950er, us der domolige Ferdinand Hitschler & Sohn GmbH, de hüggige hitschler International GmbH & Co. KG.

De Woozele vum Ungernemme recke zoröck bes en de 1920er Johre. Dä domolige Ungernemmensgründer Ferdinand Hitschler hät dat Kölner Handelsungernemme „Hitschler’s Cachou" grgründt. Medde de 1940er es singe Sonn Walter Hitschler met en dat Ungernemme engesteege. Flöck hät e erkannt, dat de Nohfrog noh Güdscher grad vun Pänz enorm groß es un entschlüüß sich, dat Ungernemme op Artikel för Pänz un Käues zo spezialisiere.
Aanfang de 1950er, nohm Dud vun singem Vatter Ferdinand Hitschler, gründt der Walter Hitschler us der domolige Ferdinand Hitschler & Sohn GmbH die Ungernemmensform, die bes hügg besteiht, de hitschler International GmbH & Co. KG. Et Sortiment woodt av däm Zeitzpunk vollständig op Sößware ömgestallt.

Hitschler Produkte sin jet Besonderes opgrund vun ehre huh Qualität un dem einzigaatige Geschmack. För de Herstellung vun unse Güdscher verwende mer eeeschklassige Rohstoffe un de Qualität vun unse Produkte weed kontinuierlich üvverwaach. Uns Produktione nohm IFS "International Food Standard" em „Higher Level“ zertifizeet.

Uns Produktione sin nohm su genannte "International Food Standard" IFS gepröf un zertifizeet. Dä ärg strenge Pröf-Standard em Herstellungsprozess deent dazo, e Hüchsmoß an Levvensmeddelsecherheit un Qualität för der Verbraucher zo gewährleiste.
Glichziggig bedügg dat ävver och, dat mer kein Besöker durch uns Produktione führe künne. Mer bedde doför öm Verständnis.

Fastelovend en Kölle ohne unser Güdscher wöre för uns un vill Kölsche nit denkbar. Dat sinn mer och an dä ville Spendewünsch för de fünfte Johreszigg, die vun Johr zo Johr immer mih weede. Weil mer einfach nit sämpliche Wünsch nohkumme künne, es - um keiner zo benohdeilige - en Ungerstützung generell nit möglich.
Wann Ehr üch för de Fastelovendszigg ene Vürrod aanläge wollt, dann künnt Ehr uns Produkte natörlich üvver de mieste Großhandels-Vertriebsstelle betrecke. Sollt Ehr dodrüvver erus noch mih Froge zo unsem Fastelovendssortiment han, helfe mer Üch gään wigger.

Produkte

Woher kütt dä Name HITSCHIES?

Anfang de 80er Johre ha' mer uns einzigaatige knappig drageete Käukamelle erfunge. Zoeesch hät mer sich för dä Name „Fruchtige Häppchen“ entschiede. Flöck han sich die Häppcher zom Kult-Produk un zom Wohrzeiche vun der Firma hitschler entweckelt. Do uns Sößware ävver nit nor en Deutschland sondern och en aller Welt gefrog sin, moot ene neue, international verständliche Name för dat einzigaatige Produk gefunge weede.
Us däm Grund woodte us dä „Fruchtigen Häppchen“ de „HITSCHIES“. En bes hügg einzigaatige, drageete Käukamell, die en vill verschiedene Geschmacksrichtunge produzeet weed - och en suur.

Wie lang sin Produkte vun hitschler haldbar?

Op jedem Büggel suwie op jeder Verpackung es e Mindeshaldbarkeitsdatum (MHD) opgedruck. En der Regel sin uns Sößware je noh Produk 18 – 24 Mond haldbar.
Dat heiß allerdings nit zwingend, dat de Produkte nit mih zo verzehre oder zo geneeße sin, wann et MHD avgelaufe es. Wann Verpackunge zo sin, kann mer se met godem Gewisse och verzehre, wann et MHD avgelaufe es.

Wie un wo kann mer hitschler Produkte am beste opbewahre? Et Großaatige an unser Produkte es, dat mer se bei jeder Temperatur geneeße kann. Egal ob em kaale Winter oder em heiße Sommer. En der Regel sollte die Produkte bei Zemmer-Temperatur opbewaht weede un direktem Sonneleech nit üvver längere Zigg usgesatz weede – Iesschrank es nit nudwendig.

Uns däglich Strevve es et, dä huhe Qualitätsstandard, dä hitschler-Produkte (Anm. s.o.) zick üvver 50 Johre gerääch zo weede. Sollt Ehr trotzdäm ens met einem vun unser Produkte nit zofridde sin, sid esu god un dot üch per Poss an uns wende.
För de Ursaache op der Grund zo gonn un entsprechende Moßnahme ergriefe zo künne, bedde mer Üch, et esu zo maache, dann su helft Ehr uns noch besser zo weede:
• Sid esu god un scheckt uns die Verpackung inklusive dä betroffe War
• Nennt uns Kaufoot un Kaufdatum, wann Ehr üch noch dran entsennt
• Nennt en koote Stechwööd, der Grund vun Üürer Unzofriddenheit
• Nennt uns Üür Kontakdate
• Scheckt dat Ganze (Anm. auch im Dt. groß) (gään unfrei (Anm. auch im Dt. klein)) an hee die Adress:
Hitschler International GmbH & Co. KG
Qualitätssicherung
Aachener Straße 1042
50858 Köln
Uns Metarbeider vum Verbraucherservice dun sich dann mit Üch en Verbindung setze.
Gään künnt Ehr och uns Kontakformular benötze.