Historie

  • Hitschler 1920

    1920er

    De Woozele vun der Firma Hitschler

    Ferdinand Hitschler, der Vatter vum Walter Hitschler, hät am Eng vun de 1920er Johre dä Handel met Tabak un Cachous – klein, leckere Kuletschkamellcher, die ursprünglich en Spezialität us Frankreich sin, aangefange. Medde vun de 1930er Johre hät e dann dat Kölner Handelsungernemme „Hitschler’s Cachou“ gegründt.

  • 1940er

    Ferdinand Hitschler & Sohn

    Met Aanfang 20 steig der Walter Hitschler en et Unternemme vum Vatter en. Et weed av 1946 unger däm Name „Ferdinand Hitschler & Sohn“ geföht.

    Mem Entredd vum Walter Hitschler, dä ald immer ärg jeck op Güdscher wor, weed et söße Sortiment peu-à-peu konsequent größer: Käues un ander Süßigkeite gehüre jetz zom feste Sortiment vun der Firma.

  • Hitschler 1950

    1950er

    De hitschler International GmbH

    Nohm Dud vum Ferdinand Hitschler gründ der Walter Hitschler dat Ungernemme hitschler International, dat bes hügg besteiht. Sing Leidenschaff för Sößkrom liet en der Schwerpunk vum neue Ungernemme jetz op der Handel un der Vertrieb vun Sößware em Enland suwie dem europäische Usland läge.

    Dat Ungernemme weed vun dä Zigg an konsequent vergrößert un usgebaut. Der entscheidende Schredd en de Zokunf vum Ungernemme stellt Medde de 50er Johre der Erwerb un aanschleeßende Usbau vun der „1. Deutschen Kaugummi Fabrik“ dar. Vun däm Zeitpunk an es de hitschler International nit bloß e Distributionsungernemme - sondern och eins, wat produzeet.

  • Hitschler 1960

    1960er

    E Johrzehnt vun Expansion

    Flöck sprich sich eröm, dat de Sößware vun hitschler nit nor en huh Qualität han, sondern vör allem besonders god schmecke.

    Su nimmp et nit Wunder, da de Produkte flöck och em europäische Usland en de Regale stonn: Aangedrevve durch dem Walter Hitschler sing Vision vum enem Ungernemme, wag mer sich op völlig neu Määt un av de 60er weed esugar en Saudi-Arabie vun god hitschler-Produkte geschnupp.

  • Hitschler 1970

    1970er

    E Johrzehnt voll Innovatione

    Aanfang vum Johrzehnt kütt der hitschler met ener avsolut neu Fruchgummi-Sensation op der Maat: dem hitschler sing orgenal Fruchgummi Bängele! Die Bängele för ze Schnuppe sin ene Riesenerfolg un hüre bes hügg bei et feste Sortiment.

    Nor zwei Johr späder weed eine vun de bes hügg bekannteste Klassiker gebore: unse SOFTI-Käukamelle Striefe. Besonders em Rheinland weed e durch der Fastelovend bekannt un belieb.

    Medde vun de 70er Johr föht der hitschler noch en bes dohin en Deutschland völlig unbekannte Spezialität en: der söße Speck. Locker, luftig, met fingem Sahne-Vanille-Aroma. In köötster Zigg begeistert der hitschler-Speck große un klein Sößigkeite-Jecke em ganze Land.

  • Hitschler 1980

    1980er

    De Erfindung vun de HITSCHIES

    Och en de 80er Johr weed et Sortiment durch Innovatione wigger usgebaut, dann mer erfinge de HITSCHIES! Weiche, fruchtige Käukamelle met ener knackige Hüll en dä einzigaatige Stäbcheform.

    Domet die am Aanfang noch unger däm Name „Fruchtige Häppchen“ beliebte Spezialität och weltwigg usgesproche weede kann, däufe mer se baal HITSCHIES öm. Zickdäm begeistere die usschleeßlich vun hitschler hergestellte HITSCHIES met ehrer knackige Hüll alle Generatione rund öm der Globus un hüre bei unser bekannteste un erfolgreichste Produkte.

    Ene ander große Erfolg weeden uns Brause Flummis — bunte Esspapiercher met fruchtig-frescher Brausefüllung.

  • Hitschler 1990

    1990er

    Käues Made in Germany

    En de 90er Johr bränge mer de Jetties op der deutsche Maat: Unse usschleeßlich en Deutschland entweckelte un produzeete Käues, ohne Zucker un god för de Zäng. En verschiedene Forme, vör allem ävver en der Durchdröck-Verpackung, weede se ene große Erfolg un sin noch hügg vill Lück ene Begreff.

    Glichziggig weed de Produkpalett vun de HITSCHIES wigger erfolgreich usgebaut un uns leevs Produk, de HITSCHIES, gewennt noch mih Fans.

     

  • hitschler 2000

    2000er

    50 Johr hitschler

    Mem Aanfang vum neue Johrdausend fiere mer et 50 jöhrige Bestonn vun der Firma hitschler. Ene Gebootsdag, dä uns op en spannende Firmegeschichte voll vun söße Innovatione zoröckblecke liet un uns glichziggig motiveet, met derselve Kraff un Leidenschaff op et 100 jöhrige Jubiläum hinzoarbeide.

    Mer entweckele uns un uns Produkte konstant wigger. Su stelle mer en Hääd Rezepture vun unse Produkte op Fruch- un Flanzenextrakte öm, die färve, un föhre met dä god zoteete „Puute-Schatzkess" met großem Erfolg en neue un spannende Marke för klein un große Entdecker en.

  • 2010er

    Walter Hitschler

    Em Juli 2010 stirv der Firmengründer un alleiniger Inhaber Walter Hitschler em Alder vun 88 Johr. Ganz en singem Senn bliev et Ungernemme wigger vollständig en Familliebesetz.

    Zick 2008, op Wunsch vum Walter Hitschler entweckelt, erstrohle 2010 all uns Produkte en neuem Design. Domet de Verbraucher de Marke hitschler flöcker un leichter em Regal finge künne, es av jetz de blau hitschler-Well op sämpliche Artikele.

  • hitschler 80 Jahre

    2015

    2015 - 80 Johr hitschler

    Noh aach Johrzehnte vun söße Historie fiere mer 2015 der 80. Gebootsdag vun unsem Ungernemme. Doför ha' mer dä leckere hitschler-Welt en neu  Klör verpass, die en uns Zigg pass. Pünklich för de Internationale Sößwaremess em Februar en Kölle erstrohlen uns Produkte met moderniseetem Logo un Verpackungs-Design en neuem Glanz. Glichziggig mööchte mer uns  unger däm Motto „En 80 Dag öm de hitschler Welt!“ met ener nationale Gewennspillaktion bei uns Kunde un Fans met üvver 800 Gewenne för ehr Vertraue un ehr Treue en de Marke hitschler bedanke.

  • Porträt - Philip Hitschler-Becker

    2017

    Famillietradition weed wiggergegovve

    Em November 2017 tridd der Philip Hitschler-Becker, der Enkel vum Walter Hitschler, en de Foßtappe vun singem Besteva. Zick fröhster Kindheit met dä Marke un dä Produkte opgewahße, setz hä jetz de Tradition vun däm Kölsche Famillieungernemme fott. Mem Entredd vun der vierte Hitschler-Generation läv de Begeisterung vun der Famillich för Leckergods wigger.