News/Presse

Pressekontakt:

hitschler International GmbH & Co. KG
Aachener Straße 1042
50850 Köln
Markus Tabel
Tel.: +49 (0) 221 - 460 160
E-Mail: presse@hitschler.de

21.06.2018

För nohhaldige Produkqualität es de hitschler International GmbH & Co. KG us Kölle jetz vun der DLG (Deutsche Landwirtschafts-Gesellschaft) et vierte Mol met dem „Pries för langjöhrige Produkqualität“ en Kölle usgezeichent woode. Die regelmäßige Qualitätsleistung vum däm Ungernemme bei de Internationale DLG-Qualitätspröfunge för Sößware hät de Experte-Jury üvverzeug.

 

Zick ville Johre looßen Ungernemme vun der Levvensmeddelwirtschaff ehr Produkte freiwellig durch de Sachverständige vun der DLG teste. För dat Qualitätsstrebe nohhaldig zo fördere, vergitt de DLG der „Pries för langjöhrige Produkqualität“.

 

Ungernemme müsse fünf Johr hingerenander an de Internationale Qualitätspröfunge vum DLG-Tesszentrum Levvensmeddel deilnemme un pro Prämierungsjohr mindestens drei Prämierunge erziele. Av dem fünfte erfolgreiche Deilnahmejohr weed dä Betrieb mem „Pries för langjöhrige Produkqualität“ usgezeichent. Nimmp ene Hersteller en einem Johr nit deil oder erreich hä nit de erforderliche Aanzahl an Prämierunge, verliert hä singen Aansproch op die Uszeichnung.

 

janze Meldung lese
31.01.2018

Räächziggich zor Sößwaremesse hät uns d'r Kölsche Stadt-Anzeiger för ein Bleck higger der Kulissen besökt. Erusjekumme es ene dolle Artikel üvver uns Produkentwicklung am Beispill vun uns neu Spennebein.

janze Meldung lese
09.01.2018

Em November 2017 tridd der Philip Hitschler-Becker, der Enkel vum Walter Hitschler, en de Foßtappe vun singem Besteva. Zick fröhster Kindheit met dä Marke un dä Produkte opgewahße, setz hä jetz de Tradition vun däm Kölsche Famillieungernemme fott. Mem Entredd vun der vierte Hitschler-Generation läv de Begeisterung vun der Famillich för Leckergods wigger.

janze Meldung lese
23.11.2017

Rewe weed nostalgisch un hät sich op de Reis noh de 20 coolste Retro-Leckergods-Produkte gemaht. Un als wann dat nit allein ald Aanlass wör sich zo freue, han se och noch uns brizzl Ufos op Platz eins gesatz! Mer freuen uns wie jeck üvver die galaktisch gode Neuigkeit!

 

janze Meldung lese
17.11.2017

 

För eruszofinge, wat för Marke de jung Lück en Deutschland et leevs sin, finge zick 2011 jedes Johr de YoungBrandAwards statt. Dat bundeswigge Online-Voting es ein vun de größte unavhängige Marke-Votings en Deutschland. Noh der Nominierung vun de TOP 6 Marke en 28 Kategorie jedes Johr em Januar (em Rahme vun ener gesonderte repräsentative Studie), geiht et Medde Mai loss mem Voting un hööt Aanfang Oktober op. Mer han och dis Johr widder am Voting deilgenomme un noh der erfolgreiche Nominierung ene dolle veete Platz gemaht.

 

Ranking vun de 6 nominiereete Marke 2017 en der Kategorie "Leckergods":

1. Platz:            Haribo

2. Platz:            Katjes

3. Platz:            Nimm 2

4. Platz:            hitschler

5. Platz:            Mentos

6. Platz:            TicTac

 

Mer freuen uns ärg üvver die schön Platzierung un bedanken uns hätzlich bei all denne, die am Voting deilgenomme han!

 

janze Meldung lese