Verlässlichkeit un Unavhängigkeit

hitschler International es e unavhängig, meddelständisch Famillienungernemme met Setz en Kölle un Produktionsstätte em En- un Usland. Us Sößware verdrieve mer üvver sämpliche Avsatzkanäl em In- un Usland. Unse Optredd noh usse es gekennzeichent durch fair Weddbewerbsverhalde, solide un langfristige Geschäffsbeziehunge zo Kunde un Livverante.

Mer sin Livverant vun alle große, deutsche un internationale Handelsungernemme. Uns Produkte beede dem Handel e attraktiv, lebendig Sortiment un unse Kunde - glichermoße för Groß un Klein - immer widder jet Neues us der Sößwarewelt.

Uns Sortiment met Schwerpunk Zuckerwar beed en breide Palett an ungerschiedliche Produkte us de Bereiche Käukamell, Käukamelle-Dragees, Fruchgummi, Blose Käues, Esspapier met Brauseföllung un Schuumzuckerwar. De Sortiment-Villfald un de huh Kompetenz vun unse Produktione un Partner gitt uns de Möglichkeit, ärg flexibel op de Bedürfnisse vum Maat un esu vun unse Kunde reagiere zo künne.